Ditën e sotme Petrit Mamaj, autori vrasjes së gruas së tij dje në fshatin Sheqi i Madh të Fierit hodhi të tjera akuza ndaj viktimës. Pasi Gjykata e Shkallës së Parë të Fierit caktoi masën “arrest me burg” për 56-vjeçarin, avokati i tij tregoi për mediat se Petrit Mamaj tregoi se Valentina, bashkëshortja e tij i kishte bërë gjilpërë kur ai ndodhej në gjumë. Vrasësi pretendon se gruaja e tij e kishte bërë këtë gjë për ta vrarë. Në vazhdim të prononcimit, avokati i Petrit Mamajt shtoi se klieti i tij është i paekuilibruar.
“Tani mbaroi masa e sigurimit për të ndalurin Petrit Mamaj. Reagimi i tij në sallën e gjykimit, ishte i tronditur, por e pranoi krimin që kishte kryer. Përshkroi krimin që ndodhi në orën 06:00. Ishin acaruar situata. Ai pretendonte se bashkëshortja me një njeriun e vetë i kishin bërë një gjilpërë në gjumë. Këtë motiv e sqaroi edhe vetë në seancë. Kërkesa e prokurorit ishte e ligjshme. Ky krim ka indinjuar të gjitha familjen. Ai është dhe fqinji im. Kanë pasur divergjenca gjatë një periudhe të caktuar, por jo në këto përmasa. Ishte i paekuilibruar. Me të nuk flitej dhe as dëgjohej. Ai ishte i përgjegjshëme. E kishte gjetur në gjumë, pasi flinin të ndarë gjatë kësaj kohe. Ai kishte shkuar rreth orës 6 në mëngjes dhe i kishte thënë se’ ‘pse ma keni bërë gjilpërën”. Gjatë kësaj kohe kishte marrë dhe thikën dhe e kishte goditur dhe e kishte lënë të vrarë. Më pas iku te një lokal dhe hëngri mëngjes dhe më pas kishte shkuar te i vëllai dhe i kishte thënë; ka vrarë veten. Pasi kishin bërë ekzaminim mjeku ligjor, ai kishte pohuar se kishte kryer vrasjen, për motivet që sqarova”, bëri me dije avokati i Petrit Mamajt.
