Një doganier në qytetin e Sarandës është ndaluar nga Policia, pasi akuzohet se ka goditur kolegun e tij katër ditë më parë.
Bëhet fjalë për 34-vjeçarin me iniciale I.I., i cili gjatë një një konflikti në Portin e Sarandës, dyshohet se ka goditur fizikisht një punonjës tjetër doganier, për motive të dobëta.
34-vjeçari akuzohet për veprat penale “Goditje për shkak të detyrës” dhe “Dëmtime të tjera me dashje”.
Njoftimi i Policisë:
Policia ka bërë ndalimin e shtetasit në kërkim I. I., 34 vjeç, banues në Sarandë, me profesion agjent doganier. Ndalimi i tij u bë pasi ky shtetas është përfshirë në një konflikt në datën 17.06.2020, në lagjen nr.4 Sarandë, ku në Portin e Sarandës dyshohet se ka goditur fizikisht një punonjës tjetër doganier, për motive të dobëta. Materialet iu referuan Prokurorisë në ngarkim të tij për veprat penale “Goditje për shkak të detyrës” dhe “Dëmtime të tjera me dashje”.
