Këngëtarja Rovena Stefa bën një kërkesë live, duke shkaktuar shumë të qeshura dhe batuata.
“Unë shpresoj që sa më shpejt të mbarojë pandemia. Ne t’i rikthehemi jetës më me vrull dhe dashuri se më parë. Të jemi pranë njëri- tjetrit dhe të më lënë rehat te gjej burrin e të martohem. Po s’dola, s’kam ku gjej burrë se mbyllemi që në 20:30”, tha ajo teksa ishte pjesë e panelit të fundvitit në “Ftesë në 5”.
Intervista vijoi me muzikë e atmosferë festive, për t’u vijuar me kujtime të mira të 2020 dhe urime zemre për këtë vit të ri.
Srefa ishte një nga zërat më kritikë ndaj qeverisë për mbylljen e lokaleve me muzikë live. Pak kohë më parë ajo është shprehur se “Ka mesazhe që me vijnë nga ndjekës dhe ftesa për të pirë edhe kafe. E rëndësishme është që ata na duan dhe e duan artin shqiptar.
I bëj thirrje qeverisë që të ketë një hapje të vogël deri në orën 23:00 që të punojë robi. Nuk është çështje te buka, por pa muzikë, njerëzit duket sikur vetëm do hanë dhe do shkojnë në shtëpi. Që njerëzit të shkojnë në shtëpi dhe të mos shohin vetëm sa raste të reja ka, por të dëgjojnë edhe muzikë”, është shprehur Rovena Stefa.
