Situata nuk duket aspak e mirë për Cristiano Ronaldon, sidomos tani që u dënua me 23 muaj burg nga një gjykatë në Madrid.
Ylli i Juventusit, duket se ka bërë evazion fiskal duke fshehur të ardhurat që i vinin nga disa kompani jashtë Spanjës për të drejtat e imazhit dhe për këtë arsye gjykata ka marrë vendimin e mësipërm.
Kjo nuk është një ngjarje që daton afër, por në kohën kur Ronaldo ka qenë lojtar i Realit, megjithatë ai nuk ka për të bërë asnjë ditë burg dhe e dini pse? Sigurisht jo sepse është Cristiano Ronaldo, por sepse ligji në Spanjë favorizon portugezin, pasi kushdo që dënohet me më pak se dy vite mund ta shlyej atë me gjobë.
Si pasojë fituesi i 5 herë “Topit të Artë” ka pranuar propozimin e prokurorëve për të paguar 18.8 mln euro.
