Drejtoria e Përgjithshme e Policisë, ka vendosur që kësaj radhe të ketë një rokadë të kupolës së hierarkisë së komisariatit të Policisë së Kukësit.
Mësohet se me vendim janë ndryshuar shefi i komisariatit dhe zëvendës drejtori i këtij komisariati.
Bëhet me dije se kreu i komisaritatit të Kukësit, Agron Kurti, është zëvendësuar nga Dritan Metaj, i cili sapo është emëruar.
Gjithashtu është zëvendësuar edhe zëvendësdrejtori i këtij komisariati, Shkëlzen Rexhepi dhe është emëruar Hajri Kushe.
Kujtojmë se këto lëvizje në Policinë e Shtetit janë të njohura, pasi krerët e komisariateve së bashku me vartës të hierarkisë drejtuese, pasi në këtë mënyrë shmanget edhe afërsua apo bashkëpunimi me elementë apo grupe kriminale të zonës apo rrethit që ka juridiksion ai komisariat i caktuar.
Pas protestave 7 ditore pas vrasjes së 25-vjeçarit Klodian Rasha nga efektivi i policisë, pjesë e njësisë “Shqiponja”, 31-vjeçari Nevaldo Hajdaraj, u përfol për disa shkarkime apo rokada të kupolës së Policisë së Shtetit.
Protestuesit këmbëngulën në kërkesën e tyre për dhënie dorëheqje të Drejtorit të Përgjithshëm të Policisë së Shtetit, Ardi Veliun, mirëpo kjo gjë nuk ndodhi.
Në vend të tij, dha dorëheqjen ministri i Brendshëm Sandër Lleshaj dhe në vend të tij u emërua nga kryeministri Rama, ministri i Bujqësisë Bledi Çuçi, i cili në postin e tij të mëparshëm si ministër Bujqësie u zëvendësua nga Milva Ikonomi, ish-ministre e Ekonomisë./Gazetareforma.com/
