Një ngjarje e rëndë tronditi kryeqytetin dy ditë më parë.
65-vjeçari, Abaz Doka abuzoi për tre vjet me një të mitur e cila në momentin kur ka bërë denoncimin në Polici është në moshën 15-vjeçare.
Abaz Doka, 65 vjeç përdhunoi një 15-vjeçare dhe videon e aktit intim e kishte shpërndarë me tre të rinj, të cilët e shantazhonin vazhdimisht atë të kryente marrëdhënie seksuale edhe me ta.
Për një kohë të gjatë, ai shkruante në mure emrin e saj me epitete ofenduese.
Nisur nga këto gjëra, vajza ka rënë pre e shantazheve dhe u dorëzua duke kryer marrëdhënie seksuale me të.
Vajza është në gjendje të rëndë psikologjike dhe nën asistencë të qendrës ARSIS ka dhënë dëshminë e saj për gjithë ngjarjen.
Lidhur me këtë ngjarje ka folur edhe djali i të moshuarit. Për “News24”, ai shprehet se e dënon aktin e rëndë dhe se për këtë ngajrje është konfliktuar disa herë më babain.
Djali shton po ashtu se i ka kërkuar ai drejtorit të shkollës ta pushonte nga puna.
Rrëfimi i djalit:
E dënoj veprimin e babait. Na ka thënë se nuk ka kryer marrëdhënie me dhunë por gjithsesi ai është fajtor se ajo ishte e mitur.
Unë e kam denoncuar dhe më herët tim atë për sjelljet e tij të pahijshme.
Bashkë jemi konfrontuar edhe fizikisht për këtë cështje dhe unë kam kërkuar nga drejtori i shkollës që ta heqë nga puna para një viti.
Kërkoj nga drejtësia që ta dënojë tim at.
