Dy rivalët e përjetshëm, Lionel Messi dhe Sergio Ramos tashmë do të jenë shokë skuadre te Paris Saint-German. Mbrojtësi spanjoll nuk ka vonuar për t’i uruar mirëseardhjen argjenatinasit me një postim në rrjetet sociale, pasi sot nënshkroi me klubin francez.
Ramos ka shpërndarë një foto ku duket një fanellë e tij krah fanellës me numër 30 që do të mbajë Messi te PSG ku shkruan: “Kush e besonte, Leo Messi? Mirësevjen!”
Sergio Ramos dhe Lionel Messi kanë qenë për vite kundërshtarë kur mbrojtësi lunate te Real Madrid dhe argjentinasi te Barcelona. Të dy u larguan këtë verë, pasi kontrata e tyre me ekipet ku kaluan pjesën më të madhe të karrierës përfundoi.
Lionel Messi mbërriti dje në Paris, ku u prit nga mijëra tifozë, ndërsa sot u shfaq në një konferencë për mediat së bashku me presidentin e PSG, Nasser Al-Khelaifi. Gjashtë herë fituesi i “Topit të Artë” u shpreh se dëshiron të fitojë Champions League me parizienët dhe tha se do të jepte maskimumin për diçka të tillë. Në Paris, veç një ish-rivali si Sergio Ramos, Messi-n e presin edhe Neymar e Di Maria. Me të parin dikur kanë lujtuar së bashku te Barcelona, ndërsa me Di maria-n Messi luan te kombëtarja e Argjentinës.
