Teksa maturantët ndodhen disa muaj para provimeve të Maturës Shtetërore, ministrja Kushi ka bërë të ditur një risi që do të aplikohet këtë vit.
Gjatë mbledhjes së Komisionit për Edukimin dhe Informimin Publik, Ministria e Arsimit, Evis Kushi, ka dhënë disa detaje lidhur me zhvillimin e provimeve të maturës për vitin 2023. Konkretisht synohet që të lehtësohet provimi për personat me aftësi të kufizuar, për të cilët do të hartohen teza të veçanta. Ministrja thekson se kjo do të bëhet për shkak se nxënësit me aftësi të veçanta dhe prindërit e tyre hasnin vështirësi.
“Hartimi i provimeve të veçanta për nxënësit me aftësi ndryshe. Ata u nënshtroheshin testeve të njëjta, kjo e vështirësonte shumë. Testet e veçanta do ta bëjnë më të lehtë për ta dhe për prindërit e tyre”, u shpreh Kushi.
Tashmë janë publikuar datat e provimeve të Maturës Shtetërore 2023. Provimi i parë do të jetë ai i anglishtes, i cili do të zhvillohet më 1 qershor. Provimi i dytë do jetë për gjuhën shqipe dhe letërsinë, i cili është vendosur të zhvillohet me 7 qershor. Provimi i matematikës, është provimi i tretë për maturantë dhe do zhvillohet më datë 13 qershor. Lënda me zgjedhje është dhe provimi i fundit, i cili do zhvillohet më datë 19 qershor. Si çdo vit, është vendosur.
