“Shtetet e Bashkuara të Amerikës janë krah Shqipërisë në luftën që ky vend po zhvillon kundër krimit të organizuar”.
Kështu u shpreh sot Ambasadorja amerikane Yuri Kim, nga tryeza e OSBE-së mbi “Adresimin e Krimit të Organizuar dhe Korrupsionit nëpërmjet Ripërdorimit të Pasurive Kriminale të Konfiskuara”.
Ajo tha se, qeveria amerikane do të vazhdojë t’i qëndrojë pranë Shqipërisë në luftën kundër krimit të organizuar dhe korrupsionit.
Ambasadorja Kim rikonfirmoi edhe njëherë mbështetjen e SHBA-ve për Shqipërinë në këtë fushë, teksa paralajmëroi se, puna e mirë s’ka mbaruar dhe se institucionet s’mund të qëndrojnë të qeta me sukseset e mëparshme.
Ajo garanton se, për SHBA-të, lufta ndaj krimit të organizuar është prioritet dhe do të punohet drejtpërdrejt me qeverinë shqiptare, për ta goditur fenomenin.
/GazetaReforma.com/
