Komisioni i Ankimimeve dhe Sanksioneve ka rrëzuar kërkesat për rinumërim të votave të paraqitura nga katër kandidatët e Partisë Demokratike, Ilir Alimehmeti, Mimoza Hajdarmataj, Lisandër Hoxha dhe Aulon Kalaja.
Me shumicë votash 4 me 1, KAS vendosi se këta kandidatë nuk kishin legjitimitetin për të kërkuar rinumërimin individual të votave që kanë marrë në listat e hapura të zgjedhjeve parlamentare të 11 majit.
Vetëm anëtari Ilir Rusmali votoi pro kërkesës së tyre, duke mbështetur të drejtën e kandidatit për të ankimuar në mënyrë të pavarur rezultatin e tij.
Me këtë vendim, KAS mbyll derën për kontestimin individual të votave brenda listave të hapura, duke forcuar interpretimin se vetëm subjektet zgjedhore, dhe jo kandidatët veçmas, kanë të drejtë të kërkojnë rinumërim.
