Në kuadër të rimëkëmbjes ekonomike nga Covid-19, Kosova ka miratuar sot paketën që kap vlerën 432 milionë euro. Vendimi është marrë në mbledhjen e qeverisë, ku u lehtësuan edhe disa masa kufizuese të pandemisë.
Ministri i Financave, hekuran Murati tha se në kuadër të paketës hyn edhe bonot e diasporës, ku mjetet nga këto letra me vlerë do të përdoren për financimin e një pjesë të pakos. Paketa përbëhet nga pesë grupe masash, ku një prej tyre është edhe mbështetja e punësimit me vlerë 50 milionë euro. Përmes kësaj pakete synohet rritja ekonomike e vendit.
“Shuma totale e pakos së ringjalljes ekonomike e kap vlerën prej 423 milionë euro. Në kuadër të kësaj pako hyn edhe bonot e diasporës ku mjetet nga këto letra me vlerë do të përdoren për financimin e një pjesë të pakos. Kjo pako përbëhet nga pesë grupe të masave ku një prej tyre është mbështetja e punësimit me vlerë prej 50 milionë eurove, ringjallja ekonomisë dhe prodhimit në vlerë prej 108 milion euro, mbështetja për familje në vlerë prej 50 milion euro, mbështetja për shërbimet publike në vlerë prej 112 milion euro si dhe në investime në infrastrukturë dhe ambient 100 milionë euro.
Përmes kësaj pako synohet rritja dhe zhvillimi ekonomik i vendit. Sa i përket kritereve për ndarjen e këtyre masave do të bëjmë me vendime të veçanta”, u shpreh Murati pas mbledhjes së qeverisë.
