Kreu i Grupit parlamentar të PS, Taulant Balla është përfshirë në një debat mbrëmjen e djeshme me moderatorin Endri Xhafo në emisionin “Log” në ABC News. Arsyeja ishte rimbursimi nga shteti i ilaçeve për kurimin e Covid.
Balla tha se shteti e ka menaxhuar shumë mirë pandeminë, duke siguruar dhe rimbursim, por kjo u hodh poshtë nga gazetari Xhafo, i cili tregoi dhe histroinë personale.
Pjesë e debatit:
Balla:Ditën që thuhen gënjeshtra pafund është e rëndësishme që të reagojmë, Gjekmarkaj tha se nuk ka menaxhim, por indikacionin për një menaxhim të tillë e ka sistemi mjekësor. Gënjeni kur e thoni këtë.
Xhafo:Nuk e ka gabim Gjekmarkaj, pasi dhe kryeministri sot ka thënë mos u kuroni nëpër shpia, por kaloni në spitale.
Balla: Ju e keni kaluar Covid-in.
Xhafo:Po e kam kaluar, në gjendje mesatare.
Balla:Unë e kam kaluar Covid-in pa asnjë simptomë dhe bashkëshortja ime me simptoma për të mos shkuar në spital apeli im është i njëjtë me atë të kryeministrit kur pas ditës së gjashtë rritet temperatura duhet që të shkoni në spital. Shqipëria sot asnjëherë nuk i ka pas në rrezik kapacitetet mjekësore. Shqipëria është një ndër vendet e pakta që ka rimbursuar kurimin në shtëpi.
Xhafo:Kur e ke rimbursuar, ju lutem meqë më përmend eksperiencën time personale kjo është sy për sy. Pas 1 janarit është vënë në zbatim.
Balla:Gënjeni.
Xhafo:Jo nuk gënjej fare se e ka kaluar ime më dhe unë, por duhet që të marrësh vertetim nga shteti. Rimbursimi është thuajse inekzistent. Nuk ekziston.
