Prokurorja Antoneta Sevdari, e shkarkuar nga vettingu ka reaguar për herë të parë pasi Kolegji i Posaçëm i Apelimit e riktheu atë në sistemin e drejtësisë, pas fitimit të çështjes në Gjykatën e Strasburgut.
“Keni qenë një forcë e madhe për mua në rrugën time për të ardhur tek kjo ditë. Ndihem e gëzuar që arrita të marr drejtësinë që meritoja. Kam dyfish përgjegjësi të jem e përkushtuar ndaj drejtësisë. Faleminderit! Jam e emocionuar, s’mund të them gjë tjetër,” u shpreh Sevdari në një reagim të shkurtër për mediat.
Kryesuesja e seancës, Natasha Mulaj, tha se vendimi i Kolegjit respekton të drejtat e njeriut dhe vendimmarrjen e GJEDNJ: “Kolegji arrin në konkluzionin se dhënia e masës shkarkim nga detyra ka cënuar nenin 8 të konventës. E vetmja alternativë është konfirmimi i saj në detyrë.”
