Ju kujtohet Air Albania? Edhe pse iku për një periudhë të gjatë nga vëmendja jonë, duket se është rikthyer përsëri, po se për të ndenjur, se thjesht për t’u dukur, këtë nuk dimë t’jua themi ende.
Një foto e bërë publike ditën e sotme nga “Opinion”, vërehet një avion i kësaj linjë është ulur në Aeroportin e Rinasit, po pa pasur asnjë të dhënë rreth aktivitetit të tij.
Kujtojmë se “Air Albania” do të ishte e para kompani shqiptare e cila është lajmëruar se do të fillonte fluturimet në fund të qershorit të vitit të shkuar, por që humbi pa nam e pa nishan, deri më sot.
Para gati një viti është bërë e ditur se kjo kompani do të fluturonte drejt Romës, Londrës dhe Stambollit dhe më pas do të kishte një program të plotë.
Udhëtimet drejt kryeqyteteve dhe qyteteve të rëndësishme europiane do të mundësoheshin me bileta mjaft ekonomike.
Megjithatë, fluturimet nuk filluan asnjëherë. Mendohet se marrja e licencës në Shqipëri e më pas në Evropë e pengon “Air Albania” të nisë fluturimet.
