Një nga kompanitë më të përfolura ajrore sigurisht që ka qenë ajo e “Air Albania” më shumë për propagandën e madhe që ju bë, mirëpo e zhdukur për gati një vit, rikthehet përsëri në vëmendje.
Ka qenë ministrja e Infrastrukturës, Belinda Balluku ajo që ka thënë se kompania do të nisë punën brenda këtij muaji, pasi ka përfunduar të gjitha kontrollet. Për “ERTV”, Balluku ka thënë se avioni do të fluturojë me kodin ZA.
“Air Albania ka përfunduar shumë nga fazat e detyrueshme për t’u kaluar, testimit, trajnimit dhe licensimit të personelit, gjithçka tashmë ka përfunduar, është bërë edhe marrëveshja financiare midis palëve dhe ka kaluar në mbledhjen e kësaj jave në qeveri, aprovimi kësaj marrëveshjeje”, tha Balluku.
Megjithatë ende mund të themi se ka rezerva dhe kjo për arsyen sepse hapja e kësaj kompanie për pasagjerët është lajmëruar që do të bëhej që vitin e kaluar, megjithatë ende nuk ka ndodhur asgjë.
Le të presim dhe koha do ta vërtetojë.
