Këtë pasdite policia e shtetit me anë të një njoftimi për mediat ka deklaruar se është kryer njofton një operacion riatdhesimi për kthim vullnetar të shqiptarëve nga Franca.
Vetëm ditën e sotme janë riatdhesuar nga Lyon, Francë, me charter, 109 shtetas shqiptarë që qëndronin në mënyrë të paligjshme në këtë vend. Ata janë kthyer në mënyrë vullnetare, pasi nuk kishim përfituar azil.
Në fund të njoftimit të tyre policia u kujton edhe njëherë qytetarëve shqiptarë që të mos shpenzojnë para për të kërkuar azil pasi shanset janë zero pasi Shqipëria është vend i sigurt.
Ndërkohë që edhe dy ditë më parë, po nga Franca u riatdhesuan 110 shtetas të tjerë shqiptarë që kishin kërkuar azil në vendet Schengen, por nga refuzimi i azilit ata kishin kërkuar të ktheheshin në mënyrë vullnetare në Shqipëri.
Njoftimi i policisë
Rinas – Vijojnë operacionet e riatdhesimit vullnetar të shtetasve që kanë kërkuar azil në një nga vendet e hapësirës Schengen.
Riatdhesohen 109 shtetas shqiptarë që kishin kërkuar azil në Francë.
Operacioni vullnetar i radhës u krye me charter nga Lyon, Francë.
Gjatë këtij operacioni janë riatdhesuar 109 shtetas shqiptarë, të cilëve iu ishte refuzuar dhënia e azilit dhe për këtë arsye ata kanë kërkuar që të kthehen vullnetarisht në Shqipëri.
Dy ditë më parë u riatdhesuan vullnetarisht nga Franca edhe 110 shtetas të tjerë të cilëve gjithashtu iu ishte refuzuar dhënia e azilit.
Ministria e Brendshme dhe Policia e Shtetit apelojnë për të gjithë shtetasit shqiptarë se shanset për të fituar azil në vendet e BE-së janë zero dhe në këtë kontekst çdo shtetas shqiptar duhet të respektojë me rigorozitet rregullat e lëvizjes dhe të qëndrimit në hapësirën Schengen.
