Drejtuesi politik i PD-së në Lezhë, si dhe kandidati për deputet, Mark Marku, ka rezultuar pozitiv me koronavirus. Ishte vetë kandidatu për deputet ai që konfirmoi këtë lajm. Në një reagim për mediat, Marku thotë se gjendja e tij shëndetësore është e mirë, “asimptomatik dhe, për t’ju ruajtur shëndetin kam munguar në takimet zgjedhore”.
Reagimi i plotë:
“Të dashur miq! Para tre ditësh, pasi bëra tamponin dhe kontrollet mjekësore rutinë kam rezultuar pozitiv me COVID-19.
Ju falënderoj përzemërsisht për qindra mesazhet mbështetëse, që kam marrë prej jush këto ditë. Jam në gjendje të mirë shëndetësore, asimptomatik dhe, për t’ju ruajtur shëndetin kam munguar në takimet zgjedhore.
Do të mungoj edhe disa ditë, duke ndjekur këshillat e mjekëve të cilët gjej rastin t’i falenderoj për përkushtimin, profesionalizmin dhe mbështetjen e pakursyer njerëzore. Veçanërisht, dua të falënderoj mikun dhe mjekun e shkëlqyer; Prof. As. Dr. Krenar Lilaj. Shihemi së shpejti, mes miqsh”.
Mark Marku është një figurë shumë e njohur e politikës shqiptare dhe në këtë fushatë elektorale, hodhi kandidaturën e tij për deputet i Partisë Demokratike. Marku pritet që të mungojë edhe për disa ditë të tjera në takimet elektorale me qytetarët, por pritet të rikthehet disa ditë para datës 25 prill, datë që përkon me zgjedhjet elektorale.
https://www.facebook.com/permalink.php?story_fbid=120903646729906&id=101468128673458
