Kundër shembjes së banesave të tyre në kuadër të zgjerimit të Unazës së Madhe apo dhe procesit të rindërtimit, banorët e zonës “5 Maji”, të Paskuqanit dhe të Laprakës në Tiranë, kanë filluar sërish rezistencën duke dalur sot në protestë para bashkisë Tiranë.
Ata kërkojnë që tiu jepet informacion mbi procesin dhe takim me kryetarin e bashkisë, Veliajn.
Sipas tyre në kundërshtim me ligjin bashkia po iu prish shtëpitë, mundin e investuar gjithë jetës së tyre.
“Po na grabiten banesat. Grabitje me forcën e shtetit. Janë 150 banesa që do të dalin tani, që pritet të shemben.”, tha një prej protestuesve. Ndërkohë një tjetër i ka bërë thirrje kryebashkiakut Erion Veliaj që të respektojë marrëveshjen para votimeve, ku sipas tij garantoi se këto marrëveshje do bëhen sipas ligjit.
Banorët shprehen gjithashtu se në lidhje me procesin e shembjes së shtëpive nuk është bërë asnjë marrëveshje më bashkinë, përvçëse atyre të muajit tetor 2021, të cilët rezultojnë të zhgënjyer.
“Ne kemi kërkuar takim me kryetarin e Bashkisë. Asnjë banor që iu është pritur shtëpia, apo ata që presin, nuk është bërë asnjë marrëveshje me bashkinë. Të vetmet marrëveshje që janë bërë janë ato të tetorit, të cilët janë zhgënjyer dhe i janë bashkuar protestës tonë. Në kundërshtim me ligjin, Bashkia e Tiranës ka prishur shtëpitë. Ne jemi drejtuar këtu për të gjetur një zgjidhje.”, tha një tjetër protestues.
