Reshje të pazakonta të mëdha dhe përmbytje masive kanë goditur provincën Henan të Kinës, duke bërë që lumenjtë të vërshojnë, duke ndikuar në jetët e dhjetra miliona njerëzve.
Të paktën tre njerëz janë vrarë në kryeqytetin e provincës, Zhengzhou, ku më shumë se 20 cm shi ranë në një orë të martën. Reshjet e shiut mbyllën sistemin e metrosë së qytetit, duke lënë pasagjerët të bllokuar në ujë të lartë deri në bel.
Më shumë se 10,000 banorë të provincës qendrore janë zhvendosur në strehimore, njoftoi të martën Agjencia Zyrtare e Lajmeve Xinhua.
Shiu i madh nëpër Henan filloi që në 17 korrik. Të martën, autoritetet e motit lëshuan nivelin më të lartë të paralajmërimit për provincën dhe parashikuesit e motit thanë se prisnin reshje të mëdha shiu.
Nga e shtuna në të martë, 3,535 stacione moti në Henan, një nga provincat më të populluara të Kinës me 94 milion njerëz, raportuan reshje shiu që tejkalojnë 5 cm. Ndër stacionet 1,614 nivele të regjistruara mbi 10cm dhe 151 mbi 25cm, thanë autoritetet.
Europa është goditur gjithashtu nga mot ii keq dhe nga përmbytjet që kanë shkaktuar qindra viktima. Gjermania, Belgjika, Zvicra e Holanda janë përfshirë nga përmbytjet, ndërsa thuasje 200 njerëz kanë humbur jetën dhe mijëra u raportuan të humbur.
