Pas reshjeve të shiut me intensitet të lartë për disa minuta, disa zona dhe segmente rrugore të qytetit të Vlorës janë përmbytur.
Zonat me risk të lartë, si Albano, Romina, zona pranë Bibliotekës Publike, Skelë dhe afër shkollës “Halim Xhelo” janë përballur me praninë e ujit.
Një banore kërkon që kryebashkiaku të ndërhyjë dhe të shqyrtojë situatën.
Vetëm të hipim me avion ku ka rrugë shiko si janë bërë, taksat tatimet i paguajmë . Ç’ faj kemi pa pension jemi, me rematizëm jemi. 10 sekonda shi qenë, ku është kryetari i bashkisë, çfarë bën? Ka 20 vjet që ne këtë punë bëjmë. Ujërat e zeza sheshit. S’kemi ku të kalojmë. Ku të kalojmë, ja shikoni faktet. Nuk dua të di për parti unë. Shiko çfarë bëhet. Nuk e shikon kryetari i bashkisë kur kalon?”, tha ajo.
Gjithashtu, një tjetër banor shprehu shqetësimin e tij.
“Të lënë ndonjë gomone të kalojmë. Radhën e kaluar uji deri këtu u mbyllën bizneset. Pak shi, mbytet Vlora”.
