Reshjet e shiut përmbytën vendin, Peleshi: FA dhe emergjencat civile në gatishmëri

Pas situates së rëndë të krijuar nga reshjet e dendura të shiut ka reaguar ministri i Mbrojtjes Niko Peleshi. Përmes një postimi në Facebook Peleshi ka njoftuar se Forcat e Armatosura, zjarrfikësit dhe emergjencat civile janë të mobilizuara dhe të gatshme për të ndërhyrë në çdo situatë në ndihmë të qytetarëve. Ministri I mbrojes njoftoi se janë evakuuar 8 familje në Shkodër e Lezhë. Ndërkohë në lidhje me ngarjen e rëndë ku babë e bir u rrëmyen nga uji në Shkrel të Malësisë së Madhe ai deklaroi se po vijojnë kërkimet.
Postimi i plotë:
Efektivë të FA me mjete transporti, motorbarka dhe të gjitha kapacitetet e shërbimit zjarrfikës, Policia e Shtetit, strukturat e emergjencave civile, shërbimi mjekësor janë prej orësh në gatishmëri për të ndihmuar banorët në qarqet ku situata e krijuar nga reshjet është më e rënduar.
Janë evakuuar 8 familje në qarqet Lezhë, Shkodër. Po punohet pa pushim për të larguar ujin nga ato banesa ku ka prani të tij.
Forcat në terren po vijojnë kërkimet për të gjetur babë e bir në Shkrel të Malësisë së Madhe. Pjerrësia e madhe e vendit dhe reshjet e dendura vështirësojnë punën për nxjerrjen e mjetit dhe trupave.
Me vëmendje maksimale po ndiqet situata, kudo ku ka shtim të prurjeve të lumenjve për të garantuar së pari jetën e njerëzve.