Deri para dy ditësh kemi qenë duke kërkuar reshje shiu për shkak të motit të nxehtë që kishte pushtuar vendin, por me shirat e parë të dendur dalin edhe problemet e mëdha.
Reshjet e dendura të shiut në Vlorë kanë sjellë probleme të mëdha me disa akse rrugore në qytet, po gjithashtu disa të tjera janë përmbytur dhe të pakalueshme.
Konkretisht bëhet fjalë për lagjen “28 Nëntori”, lagjen “Pavarësia”, “Skelë” dhe disa akse të tjera rrugore të cilat janë tërësisht nën ujë.
Aktualisht në akset e bllokuara ndodhen edhe punonjësit e ndërmarrjes së mirëmbajtjes duke u përpjekur që të normalizojnë situatën, mirëpo reshjet të cilat vazhdojnë të jenë të dëndura e bëjnë të pamundur vendosjen nën kontroll të situatës.
Deri më tani është bërë e ditur se kjo gjendje ka ardhur për shkak të infrastrukturës jo të mirë dhe bllokimit të tubacioneve të ujërave të zeza.
