Reshjet intensive të pasdites së sotme kanë rikthyer përmbytjet në rrugët e qytetit të Durrësit.
Bëhet me dije se uji ka vërshuar në trotuare, duke krijuar problematika në qarkullimin e mjeteve.
Ndër zonat më problematike paraqitet kryqëzimi pranë stadiumit “Niko Dovana”, aksi që të çon drejt Currilave, rrethrrotullimi i Shkozetit, etj.
Gjatë gjithë verës dhe në fillimin e sezonit të reshjeve, autoritetet lokale në Durrës kanë deklaruar se janë marrë masa dhe se është shtuar vëmendja ndaj këtij problemi.
Megjithatë, qyteti po përballet përsëri me përmbytjet e zakonshme që përsëriten çdo dimër prej më shumë se dy dekadash.
