Mbrëmjen e djeshme, televizioni shtetëror italian“RAI3”, publikoi një reportazh, ku thuhej se në Shqipëri është 12 fishuar kultivimi i kanabisit.
I menjëhershëm që reagimi i kryeministrit Edi Rama, i cili e quajti reportazhin një turp gazetaresk.
Reagimi i plotë i Edi Ramës:
Lajmi i mbrëmshëm në RAI 3 mbi gjoja 12 fishimin e kultivimit te kanabisit në Shqipëri është një turp gazetaresk, pa asnjë lidhje me realitetin e monitoruar dhe çertifikuar nga vetë Guardia di Finanza!
Uroj që partnerët tanë të shkëlqyer ta thonë vetë pa humbur kohë të vërtetën!
Ndërkohë gjatë ditës së sotme, ka reaguar edhe Policia e Shtetit.
Kjo e fundit sqaron se rezultatet në luftën kundër kanabisit certifikohen nga Guardia di Finanza dhe viti 2019 shënoi sasinë më të vogël historike të kanabisit me origjinë nga Shqipëria.
Policia ka shprehur indinjatë dhe keqardhje për lajmin e transmetuar nga kanali prestigjoz italian, duke e quajtur të rremë.
Një njoftimin e policisë, bëhet me dije se Drejtori i Përgjithshëm, Ardi Veliu, ka kërkuar nga partnerët italianë, saktësimin e informacionit, i cili ka krijuar spekulime mediatike dhe politike në Shqipëri.
