Kryedemokrati Lulzim Basha i është përgjigjur në kohë rekord deklaratës së kryeministrit Rama në lidhje me ironizimin dhe talljen e këtij të fundit të deklaratave të PD-së, për çështjen e hapësirës detare me Greqinë.
Me anë të statusi në rrjetin social twitter, Basha ka theksuar se kryeministri duhet të lërë dërdëllitjet prej rrugaçi duke sulmuar kryetarin e opozitës, por të bëjë transparencë në lidhje se çfarë po ndodh me negociatat Greqi- Shqipëri për kufirin detar.
Ky lumë replikash midis kreut të opozitës dhe kryeministrit, erdhi pasi pasditen e sotme Partia Demokratike me anë të një deklarate, i kërkoi qeverisë transparencë dhe informim mbi zgjerimin me 12 milje të Greqisë në detin Jon.
Pas deklaratës së PD-së, reagoi kryeministri Rama, i cili ironizoi me Bashën, pasi ky i fundit po mbron hapësirën detare të Shqipërisë. Rama shkruajti se duhet qarë për ata që e hanë ende sapunin e PD për djathë, por kryedemokrati i bëri apel kryeministrit që t’i lërë ironitë dhe të tregojë transparencë në lidhje me këtë çështje të njeshme për opinionin publik.
STATUSI NGA BASHA
Leri dërdëllitjet prej rrugaçi Edi Rama. Bëj transparencë çfarë po ndodh me negociatat për detin. Historitë me sapun ruaji se do të duhen më vonë…
