Liria e medias është një nga problemet themelore me të cilën përballet Shqipëria. BE shpesherë në raportet e tij e ka cilësuar se Shqipëria ka probleme të theksuar me lirinë e medias. Këtë të premte një delegacion me përfaqësues nga shtatë organizata partnere të Platformës së Këshillit të Evropë për Siguri të Gazetarëve mbajtën një konferencë ku folën në lidhje me problematikat që haset media sot. Delegacioni theksoi se vendi ynë ka pasur një përkeqësim në lidhje me lirinë e medias duke renditur si arsye mos qasjen dot në dokumente, mungesa e transparencës nga institucionet, kasetat e parapërgatitura apo denigrimi i gazetarëve.
Sipas Ricardo Gutierrez, nga Federata e Gazetarëve të Evropës gjatë një takimi të zhvilluar me kryeministrin Edi Rama, ky i fundit e ka pranuar se vendi nuk ka pasu një përmirësi sa i përket lirisë së medias. Madje Gutierrez theksoi se gjatë takimit ka pasur edhe momente tensioni ku Rama i ka sulmuar edhe verbalisht
“Kryeministri Edi Rama e pranoi vetë se vendi nuk ka bërë progres sa i takon lirisë së medias, por tha se qeveria nuk merr dot veprime. Ne mendojmë se është detyra e qeverisë që të përmirësoje situatën. Bëj thirrje që qeveria të njohë anën kritike të gazetarëve pasi janë në interes të publikut. Takimi ynë ishte i tensionuar, Rama po priste momentin më të mirë për të na sulmuar. 5 minuta pasi kishte nisur takimi, na sulmoi lidhur me një fakt, kur i përmendëm raportin që kishte të bënte me pluralizmin e medias, Shqipëria është në vendet më të këqija, aty na tha si mund të na krahasoni me Turqinë, nuk keni turp. Por deri në fund ai premtoi se do ishte personi më konstruktiv lidhur me lirinë e medias. Në e mbajtëm mend premtimin. Herën e fundit ne ishim këtu para tre vitesh ja ku jemi situata është përkeqësuar, ky është një dështim i qeverisë. Nësë Shqipëria do të futet ne BE zoti Rama e di shumë mirë që duhet të zbatojë standardet. Nëse nuk shikojmë progres ne do i themi Komisionit Europian që në Shqipëri nuk ka fare progres. Ne do ushtrojmë presion ndaj kësaj qeverie”, deklaroi ai.
Shqipëria renditet në vendin 103 nga 180 vende në Indeksin e Lirisë së Shtypit në Botë krahasuar me një vit më pare duke rëne kështu 20 pozicione.
“Flisni me ze shume te larte qe qeveria tju degjoje flisni ne nivel nderkombetar qe qeveria te shqetesohet pasi i degjon bota, duhet te jeni krenar”, tha Pavol Szalai, nga Reporters Ëithout Borders.
