Ditën e sotme çmimi i naftës në burs ka rënë në mënyrë drastike, ku një fuçi shitet me 104 dollarë.
Ndërkohë që Bordi i Transparencës në Shqipëri nuk e prish “terezinë” duke e mbajtur të pandryshuar çmimin prej 261 lekësh.
Në lidhje me këtë rënie të ndjeshme të çmimit të naftës në bursë dhe indifentizmit të Bordit të Transparencës në Shqipëri ka reaguar gazetari Klodian Tomorri më anë të një postimi në rrjetet sociale.
“Ka naj bord sot se u thy ne mes bursa, -50 eshte vetem tani? Si tek birrat e Check Pointit”, shkruan gazetari.
Theksojmë se “Gazeta Reforma” vazhdimisht ka bërë krahasimin midis çmimit të naftës në bursë dhe atij që është vendosur herë pas herë nga Bordi i Transparencës në vendin tonë. Kemi konstatuar me anë të vlerave krahasuese, se çmimi i vendosur nga Bordi i Transparencs nuk e ka reflektuar çmimin me të cilin nafta shitet në bursë.
Së fundmi Bordi mori vendimi që nafta të shitej më çmimin më të lartë që është shitur që nga fillimi i krizës, por pas disa ditës u “tregua zemërgjerë” dhe e uli me 4 lekë. Tashmë një litër nafte në treg shitet me 261 lekë për litër naftë, çmim i cili vijon të mbetet i pandryshuar edhe pse në Bursë tashmë ka pësuar ulje drastike.
Gjithashtu përtej kësaj, një element tjetër që ne kemi konsideruar si faktor influncues tek çmimi i hidrokarbureve, janë edhe protestat civile kundër rritjes së çmimeve.
Në momentin që ka pasur protesta, jo rastësisht, çmimi i vendosur nga Bordi ka qenë në tendecë rënie, ndërkohë që kur shoqëria civile bën “pauzë” nga rebelimi kundër abuzimeve, çmimet rriten.
Kujtojmë që çmimi i karburantëve në vend prej fillimit të luftës në Ukrainë doli nga ‘binarët” duke krijuar një kaos. /Gazeta Reforma
