Forcat RENEA kanë dalë sërish në terren ditën e sotme, në qytete të tjera të vendit. Kjo është dita e dytë radhazi që po ushtrohen kontrolle, ndërsa radha ka qenë e Shkodrës dhe Fierit.
Në fokus të aksioneve ka qenë kapja e personave që janë shpallur në kërkim, që qarkullojnë me armë zjarri ose janë të përfshirë në trafikun e lëndëve narkotike. Po ashtu po punohet për kapjen e personave që janë shpallur në kërkim pasi janë autorë të ngjarjeve kriminale që kanë ndodhur në vend më parë.
Kontrollet po zhvillohen aktualisht në Shkodër e Fier, në ambiente, banesa apo lokale ku dyshohet se qëndrojnë persona në kërkim apo që posedojnë lëndë narkotike ose armë zjarri. Këto foto nga aksioni tregojnë momentet kur RENEA ka vënë me duar në mur disa të rinj dhe është duke i kontrolluar.
Ditën e djeshme aksioni filloi në Vlorë, Elbasan, Durrës, Lushnje gjithahstu. Në Vlorë u sekuestruan makineri të lojërave të fatit dhe u shoqëruan menaxherët e ambienteve ku këto aktivitete mbaheshin. Nuk janë bërë ende me dije emrat e tyre, por mësohet se janë persona me precdentë kriminalë. Në Vlorë gjithashtu u arrestua ditën e djehsme Edison Begaj, të cilit iu bë atentat në 29 maj në sy të fëmijëve.
