Viti 2020 ka nisur me ngjarje të shumta kriminale.
Kjo ka bërë që Policia e Shtetit të ngrihet në këmbë.
Tre ditët e fundit janë ndërmarrë operacione blic në Vlorë e Sarandë.
Plot 48 orë ka zgjatur aksioni në Vlorë në kërkim të personave të përfshirë në ngjarje kriminale.
Policia ngriti pika kontrolli në të gjithë qytetin.
Më vonë aksioni u shtri edhe në Sarandë.
Forcat RENEA dhe FNSH (Forcat e Ndërhyrjes së Shpejt) janë shoqëruar nga policia lokale.
Së fundmi, ka dalë edhe rezulatati i gjithë këtyre orëve operacion.
Në pranga kanë rënë 8 persona, por asnjëri nuk ka qenë i përfshirë në ngjarjet në fjalë.
Tre ishin në kërkim për “Moskallëzim krimi”, ndërsa të tjerët kryesisht për drejtim mjeti në shkelje të rregullave apo në mungesë të lejes së drejtimit.
Dosjet e personave në fjalë i kanë kaluar prokurorisë.
