Ndonëse u duke se numri i protestuesëve në bulevard u pakësua me kalimin e orëve, situata duket se është tensionuar sërish.
Së fundmi, disa persona u kanë vënë flakën pemëve në oborrin e kryeministrisë në përpjekje për të dëmtuar edhe më tej godinën.
Megjithatë, me ndërhyrjen e punonjësve të gardës që ndodheshin në brendësi të kryeministrisë me autobote uji, është bërë e mundur shuarja e flakëve.
Sakaq, kryetarja e LSI-së, Monika Kryemadhi është shprehur nga bulevardi se zjarri është vënë nga provokatorët që kryeministri ka futur në protestë për të tensionuar gjendjen.
Megjithë përpjekjet e shumta të protestuesëve për të mësyrë godinën, dyert nuk janë hapur dhe askush nuk ka mundur të futet në brendësi.
Protestuesit janë sprapsur herë pas here me ujë dhe gaz lotsjellës dhe deri më tani, bëhet e ditur se 12 persona janë dërguar në spital për të marrë ndihmë mjekësore.
