Në vendin tonë numri i të infektuarve me Covid-19 po rritet me ritme të shpejta duke e bërë situatën dhe më alarmante.
Vetëm ditën e djeshme në gjithë vendin u konfirmuan 507 ratse të reja me koronavirus nga 2,384 testime të kryera prej të cilave 520 janë testime janë për arsye depistimi.
Nga këto 7 raste ishin vetëm në qytetin e Gjirokastrës dhe duke parë situatën alarmante ditën e sotme është hapur shërbimi ditor i urgjencës për rastet me koronavirus një ambient i pajisur me të gjitha aparaturat e nevojshme për rastet Covid u vjen në shërbim ditor rasteve të rënda të të prekurve, të cilët më pas nisen drejt Tiranës.
Në Gjirokastër numri i të infektuarve po shtohet me ritme të shpejta, dhe gjatë ditës së sotme një 35-vjeçare nga Lazarati u nis për trajtim të specializuar në Turqi, si pasojë e komplikimeve shëndetësore pas prekjes nga virusi Covid-19.
Në këtë qytet sipas Ministrisë së Shëndetësisë janë 330 raste aktive me Covid-19 dhe mes tyre ka mjekë, policë, mësues dhe personel nga zyrat shtetërore.
