Mali i Zi nuk ka shënuar asnjë viktimë nga COVID në 24 orët e fundit. Ndërkaq në Mal të Zi laboratorët kanë përfunduar analizën e 789 mostrave, ndër të cilat janë regjistruar 267 raste të reja pozitive të infeksionit COVID-19. Numri i përgjithshëm i vdekjeve në lidhje me infeksionin e koronavirusit që nga fillimi i qershorit është 675, dhe që nga fillimi i vitit 684. Deri në orën 17.30 janë raportuar 234 pacientë të shëruar, ndërsa janë 9.232 raste aktive me COVID-19.
Në kuadër të kufizimeve të reja për shkak të pandemisë COVID-19, deri ditën e hënë, më datë 23.11.2020, do të lejohen të hyjnë në Malin e Zi, vetëm personat me leje qendrimi, me leje pune, ata të cilët kalojnë tranzit në territorin malazez dhe ata që udhëtojnë drejt Aeroportit të Podgoricës (të cilët duhet të jenë të pajisur me prenotimet e biletave).
Nga Muriqani në drejtim të Malit të Zi, lejohet të kalojnë edhe ata persona të cilët kanë prenotuar hotelet për fundjavën në Mal të Zi.
Nuk ka ndryshime, për sa i takon lëvizjes së mjeteve të transportit dhe të regjimit tregtar.
Këto kufizime janë të vlefshme edhe për Pikën e Kalimit Kufitar Muriqan dhe Bashkim. Në Pikën Bashkim Vermosh, lejohen vetëm shtetasit shqiptarë të cilët duan të dalin nga Mali i Zi, në drejtim të Shqipërisë.
Policia Kufitare Shkodër, iu bën thirrje të gjithë qytetarëve të cilët nuk bëjnë përjashtim nga këto kufizime, të shmangin udhëtimin në drejtim të këtyre Pikave të Kalimit Kufitar.
