Deputeti i Partisë Demokratike, Saimir Korreshi në një intervistë për “News 24” tha se është përjashtuar nga Parlamenti 10 ditë për arsye të kota.
Korreshi tha se tymueset që i hodhi në senacën e fundit plenare i gjeti në Parlament. Ai foli gjithashtu edhe për kryeparlamentaren, Lindita Nikolla, e cila sipas tij ka thyer rekordin Guinness për përjashtim të deputetëve në seanca plenare.
“Ne i vumë tymueset në anën e Partisë Demokratike. Asnjëri prej nesh nuk e lë sallën. Ne nuk jemi marrë asnjëherë me kolegët me deputetë. Kemi punë vetëm me drejtuesit dhe shoqen Lindita. Ju e keni parë sjelljen e saj tremujore. E imja ishte edhe një revoltë.
Ju e dini se kanë filluar me përjashtime masive. Herën e dytë kur përjashtuan 23 kolegë na kanë njoftuar vetëm 12 minuta përpara. Hyri në librin Gines përjashtimi i 23 deputetëve. U përjashtova pasi më kishin parë në një cep të foltores dhe e fundit pse i kërkova me pankartë shoqes Lindita fjalën. Ishte fletë A4”, theksoi Korreshin në fjalën e tij.
