Është ndërprerë seanca për ish-kryeministrin Sali Berisha në GJKKO, pasi mësohet se mbrojtja ka kërkuar kohë që të njihet me aktet. Berisha, siç njoftoi edhe më herët nuk është paraqitur në gjykatë, pasi e konsideron masën e sigurisë “detyrim paraqitje” dhe marrjen në pyetje të tij si një shkelje të kushtetutës, duke qenë se ka imunitet nga mandati i deputetit. Seanca do të rinisë në orën 18:00, duke i dhënë kështu kohë avokatit të Berishës, Genci Gjokutaj të njohët me dosjen. Po ashtu mësohet se edhe avokati Sokol Mengjezi ndodhet në gjykatë me prokurë të posaçme në mbrojtje të ish-kryeministrit Berisha.
