Karabinierët e Alatrit në Itali kanë vënë në pranga një shqiptar, nën akuzën e tentativës së vrasjes.
Sipas mediave italiane, agresori është një 44-vjeçari Adriatik Shehu.
Ky i fundit ka qëlluar dy herë me pistoletë ndaj 57-vjeçarit G.F. , i cili ishte ish-punëdhënësi.
Konflikti mes tyre lindi pasi 57-vjeçari refuzoi të merrte sërish në punë shqiptarin.
I plagosuri i cili ndodhej në makinën e tij kur u qëllua, u përpoq të largohej me shpejtësi, ndërsa kërkonte ndihmën e karabinierëve.
Menjëherë karabinierët iu përgjigjën thirrjes së tij dhe bënë neutralizimin e shqiptarit.
Gjithashtu ata gjetën pistoletën e përdorur nga shqiptari të kalibrit 7.65, e cila e kishte të fshirë matrikullimin.
Shqiptari aktualisht ndodhet në burgun e Frosinontes, nën akuzën e tentativës së vrasjes.
