Skuadra e Real Madridit vuajti shumë ditën e djeshme dhe në fund nuk shkoi dot më shumë se një barazim 3-3 ndaj Levantes. Madje, futbollistët e Levantes ishin shumë pranë triumfit, por Vinicius Junior u prishi festën me dy golat e tij në fund dhe i dha Realit një pikë.
Pas ndeshjes, për mediat spanjolle foli trajneri i “Los Blancos”, Carlo Ancelotti, i cili bën një analizë të shkurtër të ndeshjes dhe thur elozhe për njeriun e takimit, Vinicius Jr.
“Në pjesën e parë kemi punuar shumë mirë dhe e nisëm shumë mirë ndeshjen, duke gjetur edhe golin e avantazhit. Më pas gabuam në startin e pjesës së dytë, pasi nuk ishim të përqendruar dhe pësuam shumë shpejt golin e barazimit.
Edhe te goli i dytë nuk ishim të vendosur mirë, ndaj duhet të punojmë ende shumë në këtë aspekt. Vinicius Junior ka shumë cilësi. Ai është shumë i shpejtë, por unë mendoj se ai duhet të përmirësohet edhe me shumë. Nuk jam i sigurt se ai mund të jetë një golashënues, por për që t’ia dalë duhet të stërvitet shumë.
Ne e dimë se ai mund të shënojë shumë gola, pasi luajti shumë mirë në dy ndeshjet e fundit. Ai ka shënuar tre gola deri më tani dhe do të jetë shumë i rëndësishëm për ne edhe në sfidat e ardhshme”, tha Ancelotti. Gjithashtu, është mësuar se “Galaktikët” janë në bisedime me mbrojtësin e Manchester Cityt, Aymeric Laporte.
