Real Madrid nuk ka ndër mend të heqë dorë nga Kylian Mbappe dhe do të luftojë deri në fund që të ketë futbollistin në skuadër që këtë verë. Edhe pse mbetet ende në pritje, bordi i madrilenëve ka përgatitur një ofertë prej 120 milionë eurosh për t’ia propozuar PSG -së sapo të jetë koha e duhur.
Kjo është raportuar nga Cadena SER në programin ‘SER Deportivos’ të cilët sigurojnë se Real Madrid është i gatshëm t’i ofrojë 120 milionë PSG -së duke përfituar nga fakti që skuadra franceze e di se duhet të bëjë fitim nga Mbappé ose, përndryshe, do detyrohet ta lërë atë të ikë falas verën e ardhshme, kur kontrata e tij skadon.
Në këtë mënyrë, edhe nëse PSG nuk e pranon as këtë ofertë, Real Madrid e ka të qartë se verën e ardhshme ata mund të shkruajnë me lojtarin pa i paguar asnjë qindarkë parizienëve, nëse vetë Mbappe pranon. Për momentin, ajo që dihet është se të hënën e ardhshme, në Paris, do të ketë një takim midis sulmuesit francez dhe Presidentit Al-Khelaïfi në të cilin të dy do të jenë në gjendje të paraqesin versionet e tyre në lidhje me të ardhmen.
Me ardhjen edhe të Lionel Messi-t në ekip, kanë qenë të shumtë zërat se Mbappe nuk dëshiron të mbetet nën hijen e argjentinasit, ndërsa presidenti i PSG ia ka bërë të qartë se ka krijuar një ekip me lojtarët më të mirë në botë, që ai të qëndrojë.
