Tre ditë më parë gjigandi mediatik “RAI 3” publikoi një dokumentar, në të cilin thuhej se kultivimi i drogës në Shqipëri është rritur.
Së fundmi, kryeministri Edi Rama ka reaguar lidhur me këtë dokumentar.
Nëpërmjet një statusi në Twitter, ai shprehet se raportimi i televizionit italian ishte skandaloz.
Ndërkohë, falenderon autoritetet fqinje që, sipas tij, ndihmuan përditë shqiptarët në luftën kundër kanabisit, por edhe për të fituar ndaj kësaj gënjeshtre.
“Ja edhe e vërteta zyrtare për raportimin skandaloz të RAI3! Faleminderit autoriteteve të policisë italiane që na ndihmojnē përditë në afirmimin e fitores së përbashkët kundër kultivimit të kanabisit dhe në këtë rast na ndihmuan të fitojmë ndaj një gënjeshtre të madhe mediatike”, shkruan Rama.
Statusin e tij ai e ka shoqëruara edhe me disa dokumente, ku shfaqen të dhënat zyrtare të bashkëpunimit midis policisë shqiptare dhe asaj italiane në lidhje luftën kundër drogës.
Ja edhe e vërteta zyrtare për raportimin skandaloz të RAI3! Faleminderit autoriteteve të policisë italiane që na ndihmojnē përditë në afirmimin e fitores së përbashkët kundër kultivimit të kanabisit dhe në këtë rast na ndihmuan të fitojmë ndaj një gënjeshtre të madhe mediatike🙏 pic.twitter.com/iMcwy4E7Nl
— Edi Rama (@ediramaal) January 30, 2020
