Procesi i vaksinimit ka rinisur sot me shfaqjen e radhës në Shkodër, ku qeveria është përpjekur edhe një herë të bind qytetarët se e ka çdo gjë nën kontroll. Ashtu si dozat e para, edhe ato që mbërritën ditën e djeshme në Rinas, u pritën me ceremoni si të mjaftonin për të vaksinuar gjithë popullsinë.Sot në shtëpinë e të moshuarve në Shkodër u injektuan dozat e radhës si për të qendruar në radhë me vendet europiane që tashme i kanë vaksinuar të moshuarit. Por edhe pse kemi marrë disa doza vaksine, as ato nuk injektohen në mënyrën e duhur. Një gjë të tillë e ka vënë në dukje ish-deputeti i LSI, Petrit Vasili i cili denoncon rastin flagrant nga dita e sotme. Vasili shkruan se infermierët në Shkodër vaksinojnë pa doreza, duke pasur përballë kryeshkollëpakun, siç i referohet ai Ramës. Ish-deputeti shkruan se Rama po i vret shqiptarët dhe po i rrezikon ditë pas ditë dhe se është thjesht një i pashpirt.
Postimi I Vasilit:
Shendetesia talebaneske e Edvin Rames! Injorance dhe sharlatanizem mjeksor, kunder cdo rregulli mjeksor! Kulmi: Vaksinojne pa doreza si talebanē sot ne Shkoder me kryeshkollepakun perballe!!Ketij papagalli, qe ka turp edhe nga emri i tij, te cilin e nderroi dhe qe nuk ndertoi asgje me shendetesi, i duket normal cdo antimjeksi dhe antishkence, qe rrezikon shendetin e njerezve.I vrau dhe po i vret shqiptaret cdo dite me pandemine dhe eshte thjesht nje i pashpirt. Rrofte propaganda!!
Ky rast e vërteton më së miri se as propaganda tashmë nuk i hyn askujt në sy. Veçse të paaftë në menaxhimin e pandemisë, zyrtarët e Ramës dhe kasta e Rilindjes po e provon se nuk mundet më as të inskenojë një shfaqje si duhet, pasi askush nuk po i beson.
