Ministri Turizmit, Blendi Klosi ka foluar për incidentet e ndodhura së fundi në turizmin shqiptar, ku në Himarë u përsërit një rast I ngjashëm me “Mihalin” në vitin 2019. I ftuar në emisionin “Kjo javë” në Neës 24, Klosi tha se nuk mjafton bukuria e bregdetit apo alpeve, por duhet treguar kujdes edhe në detaje për turizmin. Klosi tha senëse dikush bën komente negative për një hotel, ai rrënohet sepse turistët lexojnë komentet e bëra më parë në internet nga të tjerët.
Ministri u shpreh se duhet të ketë më shumë njerëz të kualifikuar në turizëm dhe të ketë arsim më të fortë profesional.
“2019 edhe pse ishte i jashtëzakonshëm, do mbahen mend për ‘Mihalin’, për fenomenin, atë ngjarjen dramatike që ndodhi me turistin spanjoll, që ishte në fakt një nga turistët më elitar të asaj vere, dhe ndodhi përballë asaj ngjarje që do mbahet mend.
Pra ky është turizmi, nuk mjafton të jetë i bukur bregdeti shqiptar, apo Alpet shqiptare apo kalaja e Krujës. Turizmi është në detaje, pra, nëse nuk kemi cilësi shërbimi, pastër, siguri, garancinë që paguan atë që kërkon jo atë që të mashtrojnë pra gjithë këto elementë janë detaje që e bëjnë turizmin më të mirë. Megjithatë po them edhe tjetrën që unë e kam parë vetë, kemi komunikim me kompanitë që janë serioze në Shqipëri, duhet ta themi që tani çdo gjë shkruhet në internet dhe çdo turistë para se të shkojë në një hotel apo restorant lexojnë komentet që kanë bërë të tjerët. Nëse dikush të bën komente negative, ai hotel rrënohet.
Çdo pushues që shkel në Shqipëri bën një koment për mënyrën se si kanë kaluar në Shqipëri. Ajo ç’ka duhet bërë shumë është që të kemi shumë më tepër njerëz të kualifikuar, të kemi shumë herë më të fortë arsimin profesional në Shqipëri”, tha Klosi.
