Në Kosovë është regjistruar rasti i parë me koronavirus ndërmjet bluzave të bardha.
Lajmi është dhënë nga Klinika Infektive në Qendrën Klinike Universitare të Kosovës.
Në njoftim thuhet, se pavarësisht raastit, mjekët nuk do të dekurajohen, për të ofruar ndihmën mjekësore për pacientët.
“Rasti i koleges tonë nuk do të na dekurajojë dhe demotivojë që së bashku me kolegët e tjerë të ofrojmë ndihmën mjekësore për pacientët tonë. Këtë do ta bëjmë në çfarëdo kushtesh dhe rrethanash”, është thënë në njoftimin e Klinikës Infektive.
Për momentin në Klinikë janë duke u trajtuar 34 pacientë.
Ndërkohë bilanci i COVID-19 në Kosovë është 86 të prekur, ndërsa është shënuar edhe një viktimë.
Me urdhër të qeverisë së rrëzuar të Albin Kurtit, fluturimet nga aeroporti i Prishtinës janë pezulluar, ndërsa janë mbyllur edhe shkollat, e ambjentet publike.
Në Shqipëri ndërkohë numri i të prekurve është 176, në mesin e të cilëve 31 të shëruar dhe 8 viktima.
