Rastet me koronavirus i kanë kaluar 200 milionë të mërkurën, pasi variant Delta dhe normat e ulëta të vaksinimit kanë vënë në vështirësi sistemet e kujdesit shëndetësor.
Rritja globale e rasteve po nxjerr në pah hendekun në rritje në normat e vaksinimit midis kombeve të pasura dhe të varfra. Rastet po rriten në rreth një të tretën e vendeve të botës, shumë prej të cilave as gjysmës së popullsisë së tyre nuk i kanë dhënë dozën e pare, sipas një raporti të Reuters.
Varianti Delta po tejkalon të gjitha supozimet në lidhje me virusin dhe ekonomitë e trazuara, me ekspertët e sëmundjeve që përpiqen të gjejnë nëse versioni i fundit i koronavirusit po i bën njerëzit, veçanërisht individët e pavaksinuar, më të ndjeshëm ndaj sëmundjes se më parë.
Të paktën 2.6% e popullsisë së botës është infektuar që nga fillimi i pandemisë, me shifrën e vërtetë që ka të ngjarë të jetë më e lartë për shkak të testimit të kufizuar në shumë vende. Nëse numri i njerëzve të infektuar do të ishte një vend, do të ishte i teti më i populluari në botë, pas Nigerisë, sipas një analize të Reuters.
U desh më shumë se një vit që rastet e COVID-19 të kapnin shifrën 100 milionë, ndërsa 100 milionë të tjera u raportuan në pak më shumë se gjashtë muaj, sipas analizës. Pandemia ka shkaktuar afërsisht 4.4 milion vitkima.
Vendet që raportojnë më shumë raste në një mesatare prej shtatë ditësh – Shtetet e Bashkuara, Brazili, Indonezia, India dhe Irani – përfaqësojnë rreth 38% të të gjitha rasteve globale të raportuara çdo ditë. Shtetet e Bashkuara përbëjnë një në çdo shtatë infeksione të raportuara në të gjithë botën.
