Habi e madhe, me shifrat e lojërave të fatit. Megjithëse qeveria i ndaloi, numri i makinetave ka shënuar rritje me 22 përqind. Shqipëria gjatë vitit 2019 numëron më shumë makineta të lojërave të fatit se në vitin 2017 kur ato ishin të lejuara. Sipas të dhënave të publikuara në raportin “Numërimi Botëror i Makinetave të Lojërave të Fatit 2019”, një makinetë lojërash fati është e disponueshme për 10 mijë e 493 persona.
Megjithatë në dokumente sanksionohet se makinetat që numërohen në këtë anketë janë ato që janë të instaluara legalisht dhe numërimi është bazuar në numrin e atyre që mund të verifikohen, gjë që le të kuptohet se ilegalisht numri mund të jetë edhe më i lartë.
Vetëm pak kohë më parë qeveria vendosi sërish rikthimin e lojërave të fatit duke përcaktuar zonat ku mund të ushtrohej ky aktivitet, ndërkohë që palët e interesuara kishin afat deri në 22 tetor për të paraqitur dokumentacionin e nevojshëm.
Aktualisht në vendin tonë mund të ushtrojnë aktivitetin sipas ligjit lojërat e fatit si Lotaria Kombëtare dhe kazinotë në hotele me 5 yje që janë të licencuara nga Autoriteti i Mbikëqyrjes së Lojërave të Fatit.
/GazetaReforma.com/
