Gjatë muajit prill në Shqipëri janë regjistruar 112 aksidente rrugore, të cilat kanë shkaktuar plagosjen e 162 personave, disa prej tyre me fatalitet.
Sipas të dhënave zyrtare nga INSTAT, ky numër është 8.9% më i ulët krahasuar me të njëjtën periudhë të vitit të kaluar.
Statistikat tregojnë gjithashtu se gjatë katër muajve të parë të vitit 2025, numri i aksidenteve ka rënë në 413, nga 500 sa ishin gjatë të njëjtës periudhë në 2024, duke shënuar një ulje prej 17.4%.
Shkaqet kryesore të aksidenteve vazhdojnë të jenë të lidhura me sjelljen e shoferëve, që përbën 93.8% të rasteve. Nga ana tjetër, grupmosha 45-59 vjeç rezulton të jetë më e përfshirë në këto ngjarje, duke përbërë 23.2% të totalit.
Analiza e ditës dhe orës së aksidenteve tregon se e hëna është dita me më shumë ngjarje rrugore, ndërsa periudha më kritike është nga ora 08:00 deri në 12:00 të paradites.
