Kreu i Komisionit Qendror të Zgjedhejve, Ilirjan Celibashi ka folur në lidhje me raportin final të OSBE/ODIHR për zgjedhjet e 25 prillit. Në një prononcim për mediat, Celibashi ka thënë se të gjitha palët duhet t’i pranojnë, përdërisa kanë zgjedhur ODIHR si mision vëzhgues.
Ai u shpreh se të gjitha vërejtjet dhe konstatimet janë ashtu sikurse raporti i përshkruan dhe është e rëndësishme që palët ta lexojnë ashtu sikurse duhet lexuar sepse vetëmk kështu mund të adresohen dhe eliminohen problematikat për të ardhmen. Celibashi tha më tej se KQZ ka punuar e qetë në administrimin e këtyre zgejdhjeve dhe retorika e përdorur e ka ndihmuar të përgatisë procesin në përputhje me ligjin.
“Duhet të pranojmë, që të gjithë ne e kemi zgjedhur ODIHR dhe misionin ndërkombëtar të vëzhgimit si arbitrin e zgjedhjeve kështu që mendoj të gjitha palët, politike apo institucionale, do të duhet që në këtë rast t’i pranojmë gjetjet e këtij raporti. Sa i takon KQZ-së, mendoj që fokusi që ka patur raporti sa i përket administrimit të zgjedhjeve, ka pasqyruar në mënyrë realiste gjithë atë c’ka ka bërë KQZ në kudër të administrimit të procesit zgjedhor. Natyrisht që partitë politike kanë këndvështrimin e vet në këtë raport dhe nuk do dëshiroja të komentoj deklaratat e tyre. Të gjitha vëretjet dhe konstatimet negative që ky raport përmban, janë ashtu sikurse raporti i përshkruan ajo cka mbetet e rëndësishme është që të gjitha palët ta lexojnë ashtusikurse duhet lexuar apo ta pranojnë dhe vetëm kështu do adresojmë në mënyrë të përshtatshme për të ardhmen dhe për të eleminuar gjithë problematikat dhe për të mos patur elemente negative në zgjedhjet e ardhshme. Ka munguar presioni qoftë politikë, apo i cdo lloj natyre tjetër në institucionin e KQZ në një lloj mënyre mund të them që KQZ ka punuar qetë në administrimin dhe përgatitjen e këtyre zgjedhjeve, në dallim të qartë nga ajo retorikë e ashpër politike që palët kanë patur në diskursin e vet politik dhe elektoral. Kur ka qenë cështja e bashkëpunimit për procesin zgjedhor, reflektimi ka qenë krejt ndryshe dhe kjo e ka ndihmuar KQZ që të përgatisë këtë proces zgjedhor në përputhje me të gjitha parashikimet e ligjit. Në tërësinë e vet, klima e ashpër politike si rrallëherë në këto 30 vite nuk është se kontribuoi pozitivisht në tërësi për procesin zgjedhor”, ka thënë Celibashi.
