Ambasada britanike në Tiranë me anë të një postimi në faqen zyrtare në rrjetet sociale ka komentuar raportin e OSBE-ODIHR. Ambasada ka shkruar se duhet një rishikim i të gjithë kuadrit ligjor lidhur me këtë çështje dhe se ky rishikim duhet të përfundoj përpara zgjedhjeve të ardhshme. “Osbe/Odihr publikoi raportin përfundimtar mbi zgjedhjet e 25 prillit në Shqipëri, duke rekomanduar një rishikim gjithëpërfshirës dhe në kohë të kuadrit ligjor përpara zgjedhjeve të ardhshme.”, thuhet në njoftimin zyrtar të Ambasadës.
Gjithashtu në vazhdim ajo thotë që inkurajon të gjitha palët që të zbatojnë rekomandimet e ODIHR-it për vëzhgimin e zgjedhjeve. Ambasada ka theksuar ndër të tjetra nevojën për të hetuar rastet e shit-blerjes së votës. Ambasada britanike kërkon gjithashtu hetim për daljen e të dhënave personale.
Postimi i plotë i Ambasadës britanike në Tiranë
Osbe/Odihr publikoi raportin përfundimtar mbi zgjedhjet e 25 prillit në Shqipëri, duke rekomanduar një rishikim gjithëpërfshirës dhe në kohë të kuadrit ligjor përpara zgjedhjeve të ardhshme.
Ne inkurajojmë të gjitha palët të zbatojnë plotësisht rekomandimet e Misionit të ODIHR-it për vëzhgimin e zgjedhjeve dhe theksojmë nevojën për të hetuar rastet e shit-blerjes së votës apo shkeljen e të dhënave personale, për të garantuar të drejtën për të votuar në mënyrë të lirë dhe të fshehtë.
