Departamenti Amerikan i Shtetit publikoi ditën e djeshme raportin për Shqipërinë ku theksohej se korrupsioni, mungesa e transparencës, liria e shprehjes dhe mungesa e ndëshkueshmërisë ishin disa problemet.
Lidhur me këtë ka reaguar edhe ish-anëtari i Këshillit Kombëtar të PD, Edvin Kulluri i cili shkruan se korrupsioni është një fakt dhe këtë nuk është nevoja ta thonë institucionet. Ndër të tjera Kulluri shkruan se Ramës nuk ja ka fajin opozita për raportet e Departamentit Amerikan të Shtetit dhe Tranparency International
Reagimi plotë:
“Edi Ramës nuk ja ka fajin opozita që raportet e Departamentit Amerikan të Shtetit dhe Tranparency International nxijnë në konstatimin e korrupsionit në qeverisje dhe mos ndëshkimin e krimit të organizuar në nivelet që priten!
Ky është fakt që dallohet qartë edhe pa e thënë dy institucione si DASH apo TI!
Opozita ka përgjegjësitë e saj që nuk ngjall shpresë, apo i ka falur pushtet Ramës, por përgjegjësinë për qeverisjen e dështuar e ka PS dhe sekti i Rilindjes që e ka pushtuar!
E as pandemia dhe tërmeti nuk janë barkë shpetimi për dështimet 8-vjeçare të qeverisë përballë premtimeve të saj në 2013!
Por zgjidhja për opozitën nuk është rikthimi tek sukseset e qeverisë Berisha! Përndryshe, Basha duhet të tërhiqet nga drejtimi i opozitës për t’ia lënë vendin Berishës dhe ish ekipit të tij përfshirë dhe vetë Bashën si kandidat për ministër!”
