“Nëse Vetëvendosja fiton zgjedhjet jemi të hapur për bashkëpunim me të.”, kështu është shprehur Ramush Haradinaj.
Në një intervistë për “Balkan Talks”, Kreu i AAK, Haradinaj deklaroi se është i hapur për të hyrë në koalicion me Lëvizjen Vetëvendosje, vetëm në rast se ajo fiton zgjedhjet.
Ai u shpreh se do të ofrojë mbështetje për postin e Presidentit, por i duket e pashpjegueshme fakti që Vjosa Osmani është pjesë e një partie tashmë.
Nëse Ramush Haradinaj dhe Albin Kurti do të bashkëpunin bashkë, pikëpyetja do të vihej tek ky post, pasi kandidate për presidentete nga Vetëvendosja është vetë Vjosa Osmani.
“Ne nuk kemi vija të kuqe dhe presim çdo parti për koalicion pas zgjedhjeve. Nëse Vetëvendosja fiton zgjedhjet jemi të hapur për bashkëpunim me të. Është vështirë ta shpjegosh këtë situatë sepse Kushtetuta nuk lejon që presidenti të jetë pjesë e një partie. Duhet ekuilibër mes forcave politike dhe këtu ofrohemi ne për mbështetje”, deklaron ish kryeminsitri Haradinaj.
Kujtojmë se dje nisi fushata elektorale për zgjedhjet e parakohshme. Në listën e çertifikuar nga Komisioni Qendror i Zgjedhjeve (KQZ) numri i votuesve do të arrijë deri në shifrën e 1,794,862 qytetarësh. Gjithashtu në këto zgjedhje do të jenë edhe 102 mijë votues nga diaspora.
