Ditën e shtunë, më 10 tetor 2020, kryeministri Edi Rama doli në konferencë për shtyp, ku deklaroi se që nga e enjtja, më 16 tetor, do të bëhet e detyrueshme mbajtja e maskës për të gjithë njerëzit, edhe kur janë duke ecur në rrugë në ambiente të hapura.
Ky vendim që pritet të hyjë në fuqi, ka marrë kontestime nga shumica e qytetarëve, dhe të shumtë janë ata që shprehen se nuk kanë ndër mend ta zbatojnë vendim, duke mbajtur maskë kur janë duke ecur madje edhe vetëm, apo kur gjenden në parqe apo vende me ajër të pastër.
Por, duket se vetë socialistët nuk ia zbatojnë këtë urdhër Ramës. Vetëm dje, më 11 tetor, pasi urdhri ishte bërë publik që do merrej, në një takim të socialistëve në Tiranë, mes tyre edhe kryebashkiaku Erion Veliaj, shihet qartë sa seriozisht e kanë marrë.
E vërtetë, ata gjenden në mjedis të hapur, duke u munduar të respektojnë edhe distancimin mes njëri-tjetrit, paçka se janë një numër i madh, por askush nuk mban maskë pasi Rama e kishte deklaruar këtë vendim.
Pyetja naive lind: Virusi nuk është aktiv tani? Ai do bëhet i rrezikshëm vetëm të enjten, kur të hyjë në fuqi vendimi i ri, që edhe socialistët të kujtohen të mbajnë maskë?
Apo edhe vetë socialistët me në krye Erion Veliajn nuk do ia zbatojnë urdhrin Ramës…?
Shenim: Fotot jane nga data 11 tetor 2020
/GazetaReforma.com/
