Rama, Vuçiç dhe Zaev i bënë thirrje Kosovës të bashkohet në iniciativcën e mini Shengenit ballkanik. Liderët e Shqipërisë, Maqedonisë Veriore dhe Serbisë nuk u takuan dot fizikisht për samitin e radhës të mini-Shengenit, por biseduan online ranë dhe dakord të diskutojnë projektet e përbashkëta në infrastrukturë.
Meqenëse Bashkimi Europian ka shpallur paketën financiare të dhe investimeve për Ballkanin e Perëndimor, ata u takuan virtaulisht për të diskutuar projektet e përbashkëta në infrastrukturë dhe lidhjen e tyre me axhendën e zhvillimit të rajonit.
Ftesa zyrtare e tre liderëve vjen pas takimit të Uashingtonit midis Presidentit serb, Aleksandar Vuçiç dhe Kryeministrit të Kosovës, Avdullah Hoti, ku pjesë e saj ishte edhe “shengeni” ballkanik. Një ditë më parë kryeministri Hoti u deklarua pozitivisht ndaj kësaj nisme.
Ata thanë se shpresojnë që, së shpejti, nismës t’i bashkohen edhe qeveritë e Malit të Zi dhe Bosnje-Hercegovinës, pasi kështu mund të arrihet një bashkëpunim më i mirë ekonomik midis të gjitha vendeve të rajonit, çka do të sillte si rezultat rritjen e lirive, tregtisë dhe përgjithësisht, standarde më të mira jetese për të gjithë popujt e rajonit.
Presidenti Vuçiç dhe kryeministrat, Rama dhe Zaev, theksuan se nisma është në përputhje të plotë me Procesin e Berlinit dhe përbën një bazë të mirë për përgatitjen e vendeve të Ballkanit Perëndimor për takimin e ardhshëm që do të mbahet në nëntor në Sofje.
Këtë vit, Bullgaria dhe Maqedonia e Veriut janë bashkëkryesuese të Procesit të Berlinit. Po ashtu, tre udhëheqësit ranë dakord që të thellojnë bashkëpunimin në lidhje me shëndetin publik për të luftuar kundër Covid-19.
/GazetaReforma.com/
